MA’LUMOT
Karmana tumanida joylashgan “Navoiy” erkin iqtisodiy zonasi hududi sanoat ishlab chiqarishini keng ko‘lamda rivojlantirish uchun mo‘ljallangan. Ushbu hudud yirik ishlab chiqarish quvvatlarini joylashtirish, logistika jarayonlarini samarali tashkil etish va eksportga yo‘naltirilgan mahsulot ishlab chiqarish uchun qulay imkoniyatlar yaratadi.
Hududda kimyo sanoati, qurilish materiallari ishlab chiqarish, metallni qayta ishlash va boshqa sanoat tarmoqlariga ixtisoslashgan korxonalar faoliyat yuritadi. Keng yer maydonlari va transport yo‘laklariga yaqinligi uni sanoat loyihalari uchun maqbul hududga aylantiradi.
MA’LUMOT
Navoiy shahrida joylashgan “Navoiy” erkin iqtisodiy zonasi hududi zamonaviy va yuqori texnologiyali ishlab chiqarishlarni rivojlantirishga ixtisoslashgan. Ushbu hudud shahar infratuzilmasi bilan chambarchas bog‘langan bo‘lib, innovatsion va qayta ishlashga yo‘naltirilgan korxonalar uchun qulay muhitni ta’minlaydi.
Bu yerda elektronika, farmatsevtika, oziq-ovqat sanoati, yengil sanoat va qurilish materiallari ishlab chiqarish tarmoqlarida faoliyat yurituvchi korxonalar joylashgan. Shahar markaziga yaqinligi va rivojlangan kommunikatsiya tarmoqlari hududning samaradorligini oshiradi.
